Anunciaeuskolabel promozioaren oinarriak:
- Promozioa 2010eko maiatzaren 17an hasi eta abenduaren 15ean bukatuko da, beraz, ez da onartuko egun horretatik aurrera bidalitako proposamenik.
- Promozio nazionala.
Promozio hau kontsumitzaileentzat baino ez da. Inolaz ere ezin dute parte hartu promozio honetan ekoizle, handizkari, harakin, ontziratzaile eta saltzaileek.
Parte hartzeko baldintzak:
- Adinez nagusia izatea edo adin txikikoa izanez gero gurasoen edo legezko tutoreen berariazko baimena aurkeztea
- Promozio honetan parte hartzen duenak promozioaren oinarri guztiak onartzen ditu.
Zer egin behar duzu parte hartzeko?
- Ezagutu gure produktuen ontasunak www.euskolabel.net web orrian
- Grabatu bideo bat Eusko Label produktu bati edo batzuei buruz
- Igo Youtubeko zure kanalera (aukerazkoa)
- Bidali Youtubeko esteka eta bideoa posta elektronikoz parte hartzeko formularioaren bitartez
Nola irabazi lehiaketa:
Epaimahaiak aukeratutako bideoaren egileak ipad wifi cde 16gb zoragarri bat irabaziko du.
- Hauek dira epaimahai-kideak: Manuel Lorenzo (zerorrek egingo duzu EuskoLabelen publizitate onena kanpainaren egilea), Beni de Miguel (Aurman publizitate agentziako kreatiboa) eta Amaia Asua (Kalitatea Fundazioko Marketin arduraduna).
Aukeraketa irizpideak:
Kontuan hartuko dira orijinaltasuna eta Eusko Label produktuen kalitatea eta ontasunak nabarmentzeko modua.
Lehiaketaren iraupena:
- Kanpaina maiatzaren 20an irekiko da eta bideoak hartzeko azken eguna 2010eko abenduaren 15a izango da.
Nola egin bideoa:
- Lehenik eta behin, pentsatu nola egingo zenukeen Eusko Labelen hurrengo spota eta konta iezaguzu nahi duzun moduan: mozorrotuta, kantu baten bidez, bakarrizketa batean, koadrilan, jaten, erosketak egiten… Bururatzen zaizun moduan! Baina kontuan izan:
- Bideoaren izenburua beti hau izango da: Anunciaeuskolabel “Egilearen edo egileen Izena + Abizenak”
- Mugikorrarekin edo kamera bikain batekin graba dezakezu, garrantzitsuena irudimena erabiltzea da!
- Gogoan izan bideoak ezin duela 60" baino luzeagoa izan, ez eta 10 MB baino handiagoa eta gainera.mov, .avi edo wmv formatua izan behar du.
- Bidali zure datu pertsonalak parte hartzeko formularioaren bidez.
Ez da onartuko:
- Bideo iraingarririk, xenofoborik, indarkeriazkorik, lizunik edo gustu txarrekorik. Kalitatea Fundazioak eskubidea dauka arrazoi batzuengatik nahiz besteengatik desegokitzat jotzen dituen bideoak lehiaketan ez sartzeko.
Zein da saria?
- e-pad wifi de 16 gb bat. Kalitatea Fundazioak erabakitako epaimahaiak saritu bat baino ez du aukeratuko.
Zalantzaren bat duzu?
- Zalantzarik baduzu, jarri gurekin harremanetan info@euskolabel.net helbidean.
Irabazleak
Irabazleei zuzenean jakinaraziko zaie erabakia epaimahaiak hautua egin eta 15 eguneko epean (epaileak 2010eko abenduaren 15 eta 30 bitartean batzartuko dira), gainera, zerrenda bat argitaratuko da www.euskolabel.net webean. Ez bada irabazlerik ageri hilabeteko epean, ordezkoen zerrendakoei emango zaie saria.
Datuen babesari buruzko legeria betez, jakinarazten dizuegu zuen datu pertsonalak Kalitatea Fundazioko fitxategi batean sartuko direla, eta datuetara sartu, ezeztatu, zuzendu edo aurka egiteko eskubidea erabil dezakezuela Kalitatearen egoitzan (Muntsaratz Dorrea), 48220 Abadiño (Bizkaia).